«Мектепке дейінгі білім берудегі кросс-мәдени жобалар: елдер арасындағы тәжірибе алмасу» тақырыбындағы Халықаралық ғылыми-тәжірибелік конференция аясында жобалық студия

2025 жылғы 23 қазан күні Алматы қаласында Түрксіб ауданының «№187 бөбекжай- балабақшасы» КМҚК-да «Мектепке дейінгі білім берудегі кросс-мәдени жобалар: елдер арасындағы тәжірибе алмасу» тақырыбындағы Халықаралық ғылыми-тәжірибелік конференция аясында жобалық студия ұйымдастырылды.
Іс-шараның мақсаты – мектепке дейінгі білім беру саласындағы инновациялық және кросс-мәдени тәжірибелерді дамыту,
 Сингапур мен Қазақстан арасындағы халықаралық әріптестікті нығайту.
Сингапур Республикасы мен Алматы қаласының Білім басқармасы арасында қол қойылған меморандум аясында конференцияға келесідей өкілдер қатысты:

• Чэнь Шао Цзюань, Сингапур еліндегі «Mosaic» мектепке дейінгі ұйымының Қытай бөлімшесінің басшысы;
• Адамова М.Е., Қазақстан Республикасы Оқу-ағарту министрлігі Мектепке дейінгі білім беру департаментінің директоры;
• Алматы қаласы Білім басқармасының өкілдері;
• Қалалық мектепке дейінгі білім беру ресурстық орталығының мамандары;
• Қаланың және өңірлердің балабақша педагогтері.

Конференция барысында «№187 бөбекжай- балабақшасы» КМҚК базасында сәтті жүзеге асырылып жатқан «Сингапурлық жобалық-тәжірибелік орталық» келесі бағыт бойынша таныстырылды:
«Үштік одақ – бала бақыт» –
 балабақша, педагог және баланың үштік бірлігіне негізделген үйлесімді білім беру кеңістігін құру.
 Бұл жүйе арқылы ынтымақтастық, сенім және белсенді өзара әрекеттестік арқылы баланың тұлғалық дамуы,
 оның әлеуетін ашу, рухани-адамгершілік құндылықтар мен негізгі құзыреттерді қалыптастыру қамтамасыз етіледі.
Конференция соңында қатысушылар өз ойларымен бөлісіп, естелік сыйлықтар табыстап, естелікке суретке түсті.